16 DEC~殷家@鯉魚門姑姐海鮮慶生宴

是晚，姑姐生日
請哂一家大細去鯉魚門食海鮮

鯉魚門個地方有點陌生
感覺有點像縮小了的西貢
已經硬被改建成一個旅遊境點
反而退去了那點風味特色

我想
香港將快沒有一個地方不是『旅遊境點』了...

當晚還可以親自選海鮮
有飽魚，斑兩味(好似係..魚對我而言..都是魚囉!)
蟹、帶子(or 扇貝呢?)、海鮮湯、鮮魷、果盤&蛋糕

好好好飽

殷家11人(細佬要考試..走寶囉!呵呵呵)


kiki B


老豆& Kiki B

全晚最開始應該係大大舊既Kaka B 囉!
不停尖叫周圍走! 哈哈

13 DEC~巴斯友人們@力奇火鍋

是晚，約了巴斯、Kar、tai、kenny、勛、毛毛、女神、小Q、丸仔
帶隊一行十人去嘆大角咀馳名豬骨煲--力奇火鍋

出名用料新鮮大大碟，海鮮用料十足價錢平
不過就零服務。
要食地道風味..無所謂啦!

點到一檯都係野食..
除了一堆丸、喪大碟肥牛、至愛珊瑚蚌、豬潤、肥蠔、黑柏葉等等
仲有全晚比人笑的『雞子』
不能少的當然有大啤啦!

先點了馳名豬骨煲鍋底...
不過係1:1..
1:1 的意思是..鍋內的食物已經高出鍋的一倍!!
看似超抵食...不過咁點打邊爐呀!!!!!!!!

合眾人之力先食完鍋內的豬骨..
都冇咩幫助..
谷鬼氣叫多個沙嗲湯底!!!!!!

總括而言，都好好味既!

12 DEC~培道友@陳師奶下廚記

是晚陳師奶下廚煮住家大餐

我、yo姐、肥di 有口福囉!!

陳師奶話要證明唔係買外賣喎!

整潔的廚房+少婦的肥美背影(煮完個廚房就...)

yo姐當左亞娟好似係佢隻狗狗咁!

等到我勁餓!

好!!上菜!!!

第一道菜: 菠蘿生炒骨~ 成個菠蘿上ga! 堅呀!

好開胃。不錯!

第二道菜: 葡汁焗四蔬
無咩點食，唔記得，因為我掛住望隻蝦...

第三道菜: 咕嚕茄汁大大大蝦

呵呵呵呵~ 我至愛既蝦!!! 隻蝦真係有三個大ga!

第四道菜: 瑞士雞翼

雖然有少少咸， 不過加埋個飯就剛剛好!

第五道菜: 飽片冬菇四季豆

好味。 近期到人家屋企食飯都有飽魚~ 呵呵呵

陳師奶住家大餐~ 幾靚

(不過有少許投訴! 落咁叉多蔥做咩呀!!!

我知道靚! 不過我地三個都唔食蔥呢...)

勁野陳師奶

白食三人組

不顧儀態食食食的yo 姐

我係鍾意望鏡頭呀~呵呵 (注意: 兩個眼袋人)

不悅的yo 姐又聽肥di 既情史

是夜仲有我好想食的腐竹雞旦糖水~ yeah!

多謝陳師奶!!

我懷疑佢三啖食哂碗糖水囉!

食飽飽的眾人與狗

換左亞pang

亞娟& 亞星

可愛又串咀、無時停的陳星~!

yo 姐~! 早知道上人家屋企..就唔好著唔同襪啦!!!!!

11 DEC~ 忙過番工!

早上，豬兜兜神見工..考試??
被考起了...多年沒用的AI...

9個字畫好..唉

在舊(@#$&...下刪一萬字)賤格公司都不需多用電腦繪圖
永遠只在趕生仔的情況下草草畫了PD

加上幾粒字的說明，便send出街
因為，就算你畫到雕花咁靚識飛都好，
大陸那班粉皮不是看不懂，

而是絕對『不會看』的!
(那!絕無歧視祖國人成份!某程度上我欣賞某些能幹的大陸人!)
倒不如把時間花在email『煩爆佢 』

或者打電話『小鑊佢』來得有效率囉!

幸好都算畫好...至於結果..哈哈

因為這個45分鐘，

原本約了Samantha的我，遲了!
由葵芳飛奔過中環
她今天請了假去見工...

不一樣的..她於中環區..差很遠呢..哈

我們到了堅道的一家迷你型cafe，

店內不足10個座位
不過食物不錯，氣氛很好，店員好好笑!

(明顯這位女子經常來搞事!)
自從離開徐誠斌都沒有再踏足堅道這個地方，變了很多呢!
本人認為這垃圾學府沒甚麼好懷念的地方..哈!

幸好認識了某人囉!

晚上，與多年不見的八婆KD先生到食軒晚飯

(他絕對是八婆)
事關某日在土瓜灣撞到，

原來他於我家附近上班
我又被賴..那位無賴聲稱，

每次一遇到我『佢就比女飛喎!!』
痾屎唔出賴地硬的人...真多...呵呵
頂!最後瘀爆! 呢個男人得幾蚊學人去食飯!
最後我只有百多元在身...幸好亞姐收少十蚊...
唔洗為左十蚊洗碗囉!

咁瘀，我以後仲點去食野先?

賤人!

10 DEC~ 與葉小姐@Kln Bay shopping Day

由於25號葉小姐的朋友們將會來我家搞派對

所以要準備(係咁易)執靚一下屋企，免得嚇親人呢!

行了ikea & B&Q，滿足滿足。 呵呵

非常enjoy行家品店呢! 我要靚靚的家(一直滯留『幻想』中)

於ikea買了兩個紅黑candle。

吉之島10蚊雞的cheapcheap燈籠，勁抵!

再來，吉之島20蚊雞黑色聖誕樹，服未!

事關很多朋友都不太相信有黑色聖誕樹...呵呵

還加上葉小姐的ikea紫色閃閃燈、聖誕裝keroro、金色波波&紅色蝴蝶結裝飾，型爆聖誕樹完成!

這幾天還怒車了紅黑格仔lace窗簾布..呵呵(全因心情不佳想車野!)

我的家將要紅黑哂!!!!!!

9 DEC~殷家@dinner night

媽媽下午便打電話來， 原來老豆今早右手做手術
一向極度抗拒打針和手術的老豆竟然肯主動做手術???
我想應該都很嚴重了!!
原本老豆的右手手掌已經有點毛病
媽媽說他右手突然不能動，所以唯有做手術

在TST一平安陪亞宗傾了一會，吃完便立即回娘家看看老豆
幸好他的精神很好，食飯時還可愛地吵著要媽媽拿瓦匙羹給他
媽媽整晚不斷看著只能用單手吃飯的老豆，說很搞笑!
他們兩個真的和『我們這一家』的花先生和花師奶很似，哈哈

老豆還不斷嚷著有新的DVD，『輪盡』地問我看不看
殷生! 整親手就唔好周圍搵野搞啦!!!
突然看著老豆，他好像老了很多...
為什麼我自己還是很無用似的....
為什麼這些時候才發生這些事呢??

7 Dec~培道友@K夜

前晚，不眠不休怒執36小時portfolio直至早上，

再滾出去多年沒到的彩圖output

想當年一班同學浦到半夜三更等print out，

現在已經變得不一樣了!

再打的到觀塘工業區那邊見工...非常"格zip"...

shit...見完..一心想行過APM食lunc，

一行便行了差不多30分鐘...

那天APM的元八特別難食呢..

食兩啖麵便急急腳趕過灣仔見工..再一次非常"格zip"...

身為九龍人香港區路痴的我亂行一大輪

又上斜又落斜來來回回

找到後已經沒了半條人命!

為了靚...拿著那袋MJ手挽她媽的重portfolio

再加上高跟boot....

腳.，斷了。

加上眼皮已經開始不受控..

只是5點左右...晚上的gathering未夠鐘...

還可以爭取一點時間回家小睡一下...

那個『一下』嘛...

原來我快樂地昏迷到9點了~ 呵呵呵~

電話被炸爆，一聽電話被人小到反艇~哈哈哈

頭沒有疏便滾出去MK Neway~

中學時代每星期必有例行唱K活動~

感覺如當年一樣~ 只是各人老了! 哈哈

是晚出席有Gigi, Nelly, Pang, 肥Di ,Connie &專程趕回來的Bobo~

我懾!

我想我見工填表應該寫『強項:劈酒&骰盅』,哈哈

離不開的酒&骰盅..

Pang, Nelly & Fat Di

全晚都很寧靜的二人組

詭異照片...好朦...

已婚的夜浦婦人陳師奶!!

佢佢佢...摸我

全晚難得可以『擘大個喉嚨』唱歌~ 爽呀~!

Yo姐因太夜收工趕不切來..少了可愛教主..可惜可惜

5 DEC~培道友@肥DI 家邊爐夜

是晚，與一眾培道人:肥di, yo, Nelly & Connie ，
在尖沙咀買好食物殺入荃灣肥di 屋企『邊爐夜』。
開心。(雖然食物麻麻)
全晚話題圍繞著無間度故事...真的十年不變呢!
面對這班老朋友可算最沒有壓力了。

白色波波人Nelly

可愛教主Yo姐 & Connie

屋主肥Di~! (yo姐冇啦啦為咩揮手呢?)

感覺像已婚婦打邊爐偷食斷正?

留意~ 有人已經頂唔住啦~ kaka!

哈~ 屋主不顧一切-怒訓! 慘被白色波波人偷映!